قسم منية
ست الحروف
تاريخ الإضافة: 07/05/2014 رشح | إهداء

ست الحروف

أحيتا مِن روحِي الحروف وسقيتا مِن لبن الغرام

وهديتا مِن إحساسي شوق خليتا تنحني في احترام

علمتها الغنى و المزاج درستها الكتمان حرام

وريتا كيفن ترتبط وعيتا معنى الانسجام

خليتا تعزف مِن صفاك أجمل أماني على الكلام

وأديتا نور مِن مقلتيك شان تستنير من الظلام

أخدت سكونا مِن الهدوء و إتحركت ساعة القيام

إرتبت أسنان بهاك إتنونت بالإبتسام

فكيتا تسبح في رؤاك وصيتها تديك السلام

ما البينا يا ست الحروف أجمل مودة على الدوام

البينا أشجار مِن حنان مزروعة في الصِّـح و المنام

البينا آيات مِن جمال وقفت ملوِّحَة باحتشام

البينا باقات مِن فرح البينا أودع مِن حمام

البينا طيب العشرة فاح البينا كاس الريد مُدام

البينا أكبر مِن كدا البينا أكمل التحام

البينا قلبين مبتدأ و البينا قلبين في الختام




وعد النسيان
منية
أهازيج الأماني
غادة

ثورة اليتيمة
بنو عيد
ذكرى الأم
يا عَزَّامُ
كيف يضيع العهد إذن...؟
وعد النسيان
فتن الهوى
وعد العذاب
جسر من نار
العشق الشجي

عيد ريدتنا
يا حنونة
ألفين سنة
مسجاتنا
يا زمالي
حبيبتي
ست الحروف
أمي
صباح الخير
وعد التلاقي

الشعراء | الدواوين | القصائد | المراسلة | سجل الضيوف | المشرفون | الموسوعه بالفيس بوك|

Powered by: sudanpoem diwan Version 2.1.0 Copyright ©1999-2018 admin@sudanpoem.net