Notice: Undefined variable: dblink in /home/sudanpoe/public_html/mysql4.class.php on line 26

Deprecated: Function ereg_replace() is deprecated in /home/sudanpoe/public_html/init.inc.php on line 109

Deprecated: Function ereg_replace() is deprecated in /home/sudanpoe/public_html/init.inc.php on line 111

Notice: Undefined index: she3r_member_id in /home/sudanpoe/public_html/members.php on line 31

Notice: Undefined index: info in /home/sudanpoe/public_html/members.php on line 127

Notice: Undefined index: she3r_member_id in /home/sudanpoe/public_html/functions.inc.php on line 262

Deprecated: Function split() is deprecated in /home/sudanpoe/public_html/functions.inc.php on line 273

Deprecated: Function split() is deprecated in /home/sudanpoe/public_html/functions.inc.php on line 276

Deprecated: Function split() is deprecated in /home/sudanpoe/public_html/functions.inc.php on line 276

Deprecated: Function ereg_replace() is deprecated in /home/sudanpoe/public_html/members.php on line 453

Deprecated: Function ereg_replace() is deprecated in /home/sudanpoe/public_html/functions.inc.php on line 29

Deprecated: Function ereg_replace() is deprecated in /home/sudanpoe/public_html/functions.inc.php on line 29

Deprecated: Function ereg_replace() is deprecated in /home/sudanpoe/public_html/functions.inc.php on line 29

Deprecated: Function ereg_replace() is deprecated in /home/sudanpoe/public_html/functions.inc.php on line 29

Deprecated: Function ereg_replace() is deprecated in /home/sudanpoe/public_html/functions.inc.php on line 29

Notice: Undefined variable: styles in /home/sudanpoe/public_html/functions.inc.php on line 233
موسوعة الشعر السوداني

قسم شمس الحلمنتيشيه
شاكوش أمونه بت ود الزين(حلمنتيش)
تاريخ الإضافة: 19/07/2012 رشح | إهداء

يا ناس يا هووووي
تعالو عشان تبقو شاهدين..
أمونه بت ود الزين
البت الخاطبها من سنين
جاتني الليله زي قطعت الشيطان
وقالت لي: على بلاطه كده
ومن غير لا شمال لا يمين ..
أعتبر العلاقة البيناتنا إنتهت
وكل زول يشوف مستواهو وين..!!؟
طيب يا أمونه بت ود الزين ..
واحده واحده وريني الحاصل شنو ..!!؟
ولو أنا غلطان حقك علي ..متأسفين..
ولو إنت الغلطانه برضو حقك على
ومتأسفين بدل المره مرتين..
قالت لي :يا ود الناس إنت ما مستواي
إنت زول رجعي .. زول مسكين..
وأنا زوله مستواي فوق.. فوق
فووووق في العليين...
سبحان الله مغير المستويات
أمبارح القريبه دي
مستواك كان من مستواي
ونحن الإتنين مستوى زي الطين..
بين يوم وليله بقى عندك مستوى
وبقيتي في العليين..
يازول بطل جرسه وأسمعني
داك خطيبي واقف لي ونحن مستعجلين..
ده خاتمك الجبتو لي
هسع بالله ده خاتم ولا نقوم جاريين
ودي رسايلك ...
والحمد لله كل الجبتو رسايل
لا خسرت الورقه أم عشره
ولا أم عشرين..
كل الدعوه قزازتين بارد
لا شفنا منك فستان ولا نعلين..
وأديني حاجاتي العندك
وبي كده نكون خالصين..
يابت الناس ...
أستهدي بالله وأنعلي الشيطان
وأجعليني ليك من الناصحين..
أدي نفسك فرصه
عشان ما بعدين تقولي ياريت وندمانين ..
نادمنين ...وتضحك قر على الكلمه
والله لكن ...قال ياريت ونادمنين..
أندم على شنو ..!!؟
سبحان الله فقر وعنطظه
والله صحي ناس مساكين
أندم على حفي الكرعين...
ولا أندم على الجوع وسخ الأيدين..
أندم على شنو..!!؟
لا أيباد لا أيفون لا لابتوب
لا عطور لا كريمات
ولا حتى فازلين..
قال أندم قال
أندم على شنو..!!؟
على الكرعين المشققات من خمج الطين
لاك دكتور لاك مهندس لاك محامي
ولاك طيار زي الطيارين..
والله لو في ندم .. يبقى الندم
على عمري الضيعتو معاك
وفقدت منو سنين..
طيب يا ستي
والله أنا متأسف أسف ..متأسف أسف
أسف يسففني التراب ده كلو
وأشتري تراب بالدين..
وأقول ليك حاجه
أنا ما خسران إنتو الخسرانين..
عشان أنا أصلاً كنت مدبس فيك
والحمد لله فرجت من رب العالمين
وإسمك ذاتو مشاتر
لا نيفين لا نسرين لا شيرين ..
ولاك حلوه زي البنات الحلوات
عشان ما تزيدي فوق الناس شبرين..
وإن لي قرايت الجامعه
جامعتك راحت غسيل عده وفناجين..
و دي رسايلك ...
وبالمناسبه خطك زي درب النمل
جنس شخبته تحوص بي العينين..
ودي صورك كلها ...
وبالمناسبه شكلك شين
لا لون لا نخره لا إضنين
لا خصر مضمر لا شعر لا حاجبين
وأكتر حاجه مكرهاني فيك
بطنك وضهرك الزي البرميل مدورين
ما زي شكل الناس الحلوين
الصدر البارز وبطن وضهر ما فيشين
إنت بعاتي في شكل إبن أدم
وأنا ذاتي مستغرب
كيف كنا أنا وإنت عايشين ..!!؟
وأديكي ردي في كلمتين
عليكي يسهل وعلينا يمهل
وزي ماغنى الغناي
روحي إنشاء الله في ستين
بس خوفي بكره تجو راجعين
أصلو العرجه لي مراحه
وإن ده حصل من هسه أنا داير أقرأ
وأعتبريني في المدرسه مع العايدين





فارس أحلام الزمن القاسي
زول مختلف
شمس الحلمنتيشيه
جدران الخوف
أحلام عاشق
قصائد مسموعة
قصائد مسموعة

المطر
أفكار مشوشة
وطن مبيوع
من دواعي سروري
الوصايا العشر
الإشراق
قصيدة ليست للنشر
التاريخ
الوردة الزرقاء
قدر وقدر

إعتذار
زول مختلف
شاكوش أمونه بت ود الزين(حلمنتيش)
شمس
وتر الدواخل
مسافة السكة
وطن العيون
أمونة
فارس أحلام
ضياع ملامح

الشعراء | الدواوين | القصائد | المراسلة | سجل الضيوف | المشرفون | الموسوعه بالفيس بوك|

Powered by: sudanpoem diwan Version 2.1.0 Copyright ©1999-2018 admin@sudanpoem.net