Notice: Undefined variable: dblink in /home/sudanpoe/public_html/mysql4.class.php on line 26

Deprecated: Function ereg_replace() is deprecated in /home/sudanpoe/public_html/init.inc.php on line 109

Deprecated: Function ereg_replace() is deprecated in /home/sudanpoe/public_html/init.inc.php on line 111

Notice: Undefined index: she3r_member_id in /home/sudanpoe/public_html/members.php on line 31

Notice: Undefined index: info in /home/sudanpoe/public_html/members.php on line 127

Notice: Undefined index: she3r_member_id in /home/sudanpoe/public_html/functions.inc.php on line 262

Deprecated: Function split() is deprecated in /home/sudanpoe/public_html/functions.inc.php on line 273

Deprecated: Function split() is deprecated in /home/sudanpoe/public_html/functions.inc.php on line 276

Deprecated: Function split() is deprecated in /home/sudanpoe/public_html/functions.inc.php on line 276

Deprecated: Function ereg_replace() is deprecated in /home/sudanpoe/public_html/members.php on line 453

Deprecated: Function ereg_replace() is deprecated in /home/sudanpoe/public_html/functions.inc.php on line 29

Deprecated: Function ereg_replace() is deprecated in /home/sudanpoe/public_html/functions.inc.php on line 29

Deprecated: Function ereg_replace() is deprecated in /home/sudanpoe/public_html/functions.inc.php on line 29

Deprecated: Function ereg_replace() is deprecated in /home/sudanpoe/public_html/functions.inc.php on line 29

Deprecated: Function ereg_replace() is deprecated in /home/sudanpoe/public_html/functions.inc.php on line 29

Notice: Undefined variable: styles in /home/sudanpoe/public_html/functions.inc.php on line 233
موسوعة الشعر السوداني

قسم حلم الأماسي
هبة الله
تاريخ الإضافة: 15/08/2011 رشح | إهداء

مقدمة:
بعد ما تبت من الريد
رجعت سقيت شتولو جواي
سرحت بعيد رحلت كتير
بقيت أنا للنعاس نساي
رجعت بعد كرهتو شديد
أعيد أيامي في ذكراي
وأفتش في عيون الناس
حبيب مخلص يريدني براي
حبيبا يرضى ويقبل بي
ويبقى معاي وجنبي حداي
يقاسمني السمح والشين
وقت أحزن يزيلو أساي
يبادلني الحنان والريد
وقت أمرض يكونلي دواي
لقيتك بس سلبتيني
وزادت متعتك بشقاي

النص:

الهاء:
هزت قليبي وعادلو تحنان الغرام
بعد ما عاش وحيد وعشعش جواهو الإنهزام
بعد ما قرر ينسى مشاعرو واجتاحو الظلام
بعد ما ودع الريد وإنطلق في الدنيا ما هماهو هام
رديتي فيهو الروح معاك يا ناعمة زي ريش النعام

الباء:
بلسم جراحي وسر شفاي
بسمة شفاهي وسر هناي
بهجة حياتي وكل مناي
بصمة سعادتي وليك غناي
بهديهو يا غاية رجاي

وآخر الحروف
آخر الحروف:
تاء الأنوثة الفي بهاك إتمثلت
الناقصة في كل البنات
على قدرك إنتي إتفصلت
يا هبو ياخ كل الخلوق يوم شافتك
إتحيرت وإتجننت وإتبهدلت وإتكسرت وإستغربت
ما شافو قط بين الأنام
زولا صفاتو إتكملت
زولا جمع أحلى الخصال
زي ما عليها إتجمعت
تقوى وجمال وخصال كتار
ما أظن في غيرها إتلملمت
هبوية سبحان الإله
الفيكي خت أجمل وصف
دي القمرة في ليلة التمام
من طلتك هي بتتكثف
تتلبد الغيم والسحب
بي ضي عيونك تتنسف
تستنى بس جفنك يحن
ويحضن عيونك ويلتحف
شان تبدو بين وسط الغمام
 تقول وداعا وتنصرف
لما نكتب هبو عنك
ما بنكون قدرك حكينا
ما بنكون وفينا حقك 
ولا كمان أصلا بدينا
عايز أسمع صوت هديلك
 عن عيونك يحكي لينا
وعن جفونك وكيف بتنزف
يوم تجي وما تشوف عينينا
وعن مشاعرك وعن دواخلك
وعن أحاسيسك تجاهنا
وعن شرودك وسر رجوعك
وعن سهر عينيك وليلك
وكيف بمر من دون سكينة
وعني عن كل البحسو
لما تبعد وما تجينا
ياخي ما تحرمينا شوفتك
وما تغيبي بعيد علينا
نحن دونك جد بنخرب
وقلوبنا في جواك سجينة
وشوفو شوفو
داااااااك حبينا
حس بينا وقال يجينا
نحن من الفرحة متنا
وتاني لمن جيت حيينا
نحن ياخ جنينا بعدك
وللشوارع جد نسينا
إلا شارعا ليك بودي
نبقى فيو سالكين طريقنا
ما بنعيش من دون عيونك
ولا بنقدر نشتهيها
شان هي عالية وفيها حسنا
فاق جمالا زاد بريقا
وحبة حبة
وهي ماشة
وجاية جمبنا بي سكينة
عقلي سافر فات وودع
بي لهفة قال يا هبو جينا
جينا نسأل عن عيونك
ونطفي نار شوقنا العلينا
ننسى كل الهم ودربو
ونبقى بي شوفتك رضينا
وسمعت لي صوتا بنادي
ليكي يا بت المدينة
هبو ياخي أقيفي حبة
حبة بس وإتلفتي لينا
مدي إيدك صافحي إيدنا
وأكسري الحاجز اللي بينا
أحكي ليا وأخدي وأدي
وأهدي لي منك بسيمة
بيها أتعلق وأصبر
وتبقى لي صبري السكينة
وتبقى أملي البيهو نحيا
وليهو نكتب بي العلينا
أحكي ياخي وقولي عنك
أحكي ياخي وقولي لينا
قولي إنك حاسة بينا
وعارفة بينا وراضية بينا
شان نعيش نفرح في قربك
وتبقى لي أيامنا زينة
إنتي جد يا هبو راقية
إنتي حلوة وجد حنينة
إنتي سمحة وإنتي قمحة
وإنتي عاجبانا ورزينة
أبقي لي دنيانا فرحة
أبقي لينا وما علينا



حلم الأماسي
العاشق الولهان

الحب عذاب
هبة الله
ناس طيبين
ما تفتكر
مجبور
أمونة
يوم لاقيتك

ناس طيبين
يوم لاقيتك
الحب عذاب
مجبور
أمونة
ما تفتكر
هبة الله

الشعراء | الدواوين | القصائد | المراسلة | سجل الضيوف | المشرفون | الموسوعه بالفيس بوك|

Powered by: sudanpoem diwan Version 2.1.0 Copyright ©1999-2019 admin@sudanpoem.net