قسم حكاية السمحة بت الاربعين
أكح
تاريخ الإضافة: 04/08/2011 رشح | إهداء

أكح
صفق
صفق
و كح
عطس قولى
سمعت وراى صوت شمت
لون صفق شدر البكان حانى
كح
شيل فانوسك الاقرع
وخش فتش
على درب البكان تانى
صفق
اريت الصفقة مجانى
اكتب
فوق بالصفحة ديك تانى
كح
تانى
كح
اريت الكحة مجانى
تصفق وصفقتك ترحم الجانى
شنو الجانى
ومنو الجانى
كح
وامرق مروق الروح
وما تقول هو النسانى
يا انسانى
ما تقيف بين الحرقة والمرقة
وتقيف عانى
لا تصفق
عشان تنين سرطانى
صفق عزتنا هو البانى
كل القول على لسانى
ما ناسى ليه كحيت
ولا صفقت لى زولا وقف ما بينى بين الزين
ولا بعرف الوقوف بين بين
ولا بقيت انا اب وشين
سنين شايل ويغنى عليك دقر ياعين
سنين غنيت اغانى الريد
زرعتك جوز حجا وياسمين
سما المترة
وارض مطرة
واخوض شان انتى تبقانى
يزرزرنى البرد
غتينى
غتاك فانوس مباهج الروح
اكح
شيل انت انفاسى
وما تخلى المروق قاسى
اصفق
تانى
شان يا انتى تلقانى
والاقيك فى الضحى الجاى
وتلقانى
ايا قاعدين قصاد باب المروق الكى
برد الزيف كتل عطش الكلام النىء
اكح
صفق
صفق اكح
وما تزحزح
ولا عليك كان جاك قىء
قول يا حى
كح تانى
وقول يا حى
اريت الضحكة مجانى
عطست وراى سمع صوت الوجع تانى
بيشمت فينى من تانى
كحيت
سمعت الصوت بيشتم فينى زى اول
شاف فى عيونى عنوانى
ويا برد الزيف زح الف مرة وزح
ويا صهواتى شد واركب
على الدرب القبيل غنواتى سايقانى
وانا الغناى وما بسكت
اول زول بمرق الراى
تعالو معاى
نقيف بى جاى
 



حكاية السمحة بت الاربعين
شن بتدور يا محمود

أكح
ومدت ايدها
أمرق
أنضمى
بين زمنك ...وحصارى
السؤال ...والاشتباك
منى منــــــــك
وجات الموسيقى
بنده معيناتى
أتفرجك

حكاية السمحة بت الاربعين
يا بنية
شن بتدور آمحمود
منى منــــــــك
آلو 00آلو 000
أتفرجك
وكتين تجى
أحلى بلد
سنبلاية وبندقية 00يا حلاتك
انتى سبارس

الشعراء | الدواوين | القصائد | المراسلة | سجل الضيوف | المشرفون | الموسوعه بالفيس بوك|

Powered by: sudanpoem diwan Version 2.1.0 Copyright ©1999-2018 admin@sudanpoem.net