قسم حكاية السمحة بت الاربعين
ومدت ايدها
تاريخ الإضافة: 04/08/2011 رشح | إهداء

ومدت أيدها
وخلت أيدها فوق ايدى ومشت
في السكة باينه مشت بعيد
وفى الدم سرت مشت القلب
دخلت على كل السكك
أتربعت
الناس بيقولو مشت مشت
وأنا فيني هي الاتوهطت
ومرقت من قدة نفس شان المسها
عبيت هدومى الوسوسة
وكتبت في اللوح هندسة
يا راقدة فيني مكدسة
يا ايدى يا أيدها
ياعيدى يا عيدها
يا سفري في وريدها
يا ماشة ما راجعة
يا عارفة بالفاجعة
خليتك أيدك ليه
شان اصلو ما أنسى ؟
يا ايدى يا ايدها
يا غنية بنريدها
خليت ايدك ليه
شان تبقى لى سيدا
كستك زمن ما جيت
وقفت كل الريد
وبنيت مواعيدا
بعت الفرح والدم
لمونى من جيتك
خلوكى زغرودة
يا واقفة رغم الريح
يا جاية من وجعة
وآهات وتنهيدة
خليتى ايدك ليه
كبيتى فينى غناك
ومليتنى بالريدة
غنيتنى
غنيتا
يا جاتنى
يا جيتا
خليتى ايدك ليه ؟
دفقتى فينى مجيك
ما شافو كيف جواى
عبت تراتيلا
ما قاسو زيى غناك
ما غرقو فى سيلا
ما عاشو فى ليلا
ضحكات بتمشيلا
ما رسمو صنة نم
ما غردو فى طولا
ما عاشو زيى غناك
ولا عادو ترديدا
انتى الرجيتك جم
يوم عيدى يوم عيدها

 



حكاية السمحة بت الاربعين
شن بتدور يا محمود

أكح
ومدت ايدها
أمرق
أنضمى
بين زمنك ...وحصارى
السؤال ...والاشتباك
منى منــــــــك
وجات الموسيقى
بنده معيناتى
أتفرجك

حكاية السمحة بت الاربعين
يا بنية
شن بتدور آمحمود
منى منــــــــك
آلو 00آلو 000
أتفرجك
وكتين تجى
أحلى بلد
سنبلاية وبندقية 00يا حلاتك
انتى سبارس

الشعراء | الدواوين | القصائد | المراسلة | سجل الضيوف | المشرفون | الموسوعه بالفيس بوك|

Powered by: sudanpoem diwan Version 2.1.0 Copyright ©1999-2018 admin@sudanpoem.net