قسم شن بتدور يا محمود
أمرق
تاريخ الإضافة: 04/08/2011 رشح | إهداء

امرق
معاك سيف بسمتك
حيلتك مراكب قسمتك
امرق وما تخلى بى وراك
كل اسرار مرقتك
زينتك حروفك ودهشتك
متلفحك حلمك وصبرك وقدرتك
كل الخلوق فى عصمتك
راجين معاك صوت الفتك
وكل امواج ضحكتك
ما تتلفت
ما تشوف وراك
الدنيا ما بتلقاها ابدا تشبهك
فتش معاك
كل الديون الفوقها اسرار غربتك
اكسى البنيات والغنويات
الحان مسيرتك وكربتك
ما تتلفت
ضعفك قفاك
ما تتلفت
سيرك بهاك
بى ياتو ايد ترسم ملامح قدرتك
وحلمك على باب الصبر
بى ياتو صوت
تصرخ
وصرخة فكرتك تهزم متاريس الذين تبرجو
وتحولو
وتكومو
فى كل شبر من عناوينك حصار
داسو الحقيقة
والحديقة والصور
دسو الازاهر والمطر
يا انت يا هذا الذى مرقة احساسيك برق
وامطار
رعودك نظرتك
ما بحملوك
ولا بحملو الصوت البيمرق من نداك ومرقتك
يا قوتك
يا قوة شموسك وصحوتك
يا غنوتك
وكتين تصابح قدرتك
ما تتلفت
ابدا وراك
ضعفك قفاك
القاعد لها
حزنك سكونك
مجاور ظنونك
تلاوز
وعاوز
تعرف البخونك
القاعد لها
امرق
صوتك مارق قبلك
انت النصيح
وصوت فصيح
ما بهزمك
صوت الصفيح
ولا ينهرك متاه القبيح
لانك مريح
معاك الريح
امرق وصيح
على القال بهزمك
سكونك بخونك
سكوتك قبيح
امرق
وما تعاين قفاك
شموسك تضوى المدينة
وتحميك ضراك
وكل الخلوق البتمرق وراك
تكورك معاك
وتحميك ضراك
وكل المراكب بتنعش مساك
صباحك معاك
عيونك معاك
وضحكك بيهزم صراخ الغبينة المدينة السؤال
امرق
وغنى وتعال
حيبقى المحال




حكاية السمحة بت الاربعين
شن بتدور يا محمود

أكح
ومدت ايدها
أمرق
أنضمى
بين زمنك ...وحصارى
السؤال ...والاشتباك
منى منــــــــك
وجات الموسيقى
بنده معيناتى
أتفرجك

حكاية السمحة بت الاربعين
يا بنية
شن بتدور آمحمود
منى منــــــــك
آلو 00آلو 000
أتفرجك
وكتين تجى
أحلى بلد
سنبلاية وبندقية 00يا حلاتك
انتى سبارس

الشعراء | الدواوين | القصائد | المراسلة | سجل الضيوف | المشرفون | الموسوعه بالفيس بوك|

Powered by: sudanpoem diwan Version 2.1.0 Copyright ©1999-2018 admin@sudanpoem.net