قسم وجع الرحيل
وجع الرحيل
تاريخ الإضافة: 13/02/2009 رشح | إهداء

لافاني ليل نَفَسَكْ
وكَت ضمّيت عيون
وجع الرحيل
وقت السفر
هاجر معانا الطير
وخايف من وقوع النيل
بعد ما هز السحاب
الشال همومنا
وضاق عذابات المقيل
يا يمة ..
وين ماشي العمر
شايل فناجين قهوتك
لافينا بي ريحة البخور
والبُنّ يطقطق في حشاك
ضلعك جمر
ما قلت ليك أنا من زمان
خليني أبداهو السفر
قلتي زفة ..
وقلتي زغرودة ومطر
قلت ليك شان الوجع
خليني أبداهو السفر
لا يمة ردت
لا بديت أنا .. لا المطر
وجيت أحكي ليك
شايلة الدفاتر والعَلَم
رسلت ليك ..
يوم شلت كفن الأمنيات
ما قلت ليك دايراك تجي ؟
ما قلت ليك أنا والدموع
قاعدين علي رمل الشتات
جلسة أدب
في ضل طقوس الإغتراب
نقرا العذاب
في ركعة الحرف الألف
والريح تجيب لينا الرزاز
ونندفن
يفضل طرف توب الدموع
مكتوب عليهو :
لامن تجي ..
أكتب علي القبر النحيب
"أمونة" يا ليل الخراب
"أمونة" يا بت من ألِف

(2)
وبتقول أضحكي !
كيف الضحك
وسط الهموم
الحايمة ترسم في الوشوش
خطين سحاب
والخدود غرقانة دم
العيون خامة التراب
وأمونة بين كل السجون
كايسالها باب
محبوسة بي تهمة شرف
مكتوب كتاب
كيف الضحك ؟

(3)
كيف الضحك
وأمونة من يوم ما وعت
لابسة الهموم ومكدرة
وساعة الفرح تلقى الدموع
نازلها بأنينها تذكرها
تهمس تقول ما تفرحي ..
ما تضحكي ..
الفرحة جات متأخرة
أنسيها خليك في الخراب
عايني الغيوم ما أكترها
شوفي العيال
نص الطريق رامينهم
شوفي البراءة مكسره
آآآآخ ..
أمونة كان ضحكت بيبكي منو ؟



وجع الرحيل

مشتاقة ليك ..
مساحات شوق
الـكنداكـة
بستـأذنَـك
أهلاً بيك
عارفني بحبّك كيف
الوصيّة
وجع الرحيل

وجع الرحيل
الوصيّة
مشتاقة ليك ..
عارفني بحبّك كيف
بستـأذنَـك
مساحات شوق
أهلاً بيك
الـكنداكـة

الشعراء | الدواوين | القصائد | المراسلة | سجل الضيوف | المشرفون | الموسوعه بالفيس بوك|

Powered by: sudanpoem diwan Version 2.1.0 Copyright ©1999-2018 admin@sudanpoem.net